Kenduren : wujud kebersamaan lan solidaritas masyarakat

Dening Andika Wahyu Prayoga (5 / XI-8)

Kenduren utawa slametan yaiku tradisi turun menurun ingkang ditindakake dening masyarakat jawa dadi wujud syukur marang gusti Allah, lan duweni biji sosial kang becik ing tengahing masyarakat. Kenduren mlebu tradisi kang penting banget kanggo masyarakat jawa. Kenduren mulang awake dewe kanggo luwih bersyukur dhuwur marang nikmat kang wis diwenehake gusti Allah, lan karo kanggo padha padha ngedum ugaa kanggo memerat tali silaturahmi antar tangga teparo.

Kenduren ya kui siji prastawa sosial lan budaya kang dianakake masarakat jawa kanggo ngrayakake momen-momen penting, kaya kelairan, nikahan, mengeti dino wong mati utawa malah kanggo ngurmati leluhur. Kenduren biyasane dianakake ing omah utawa ing papan sing wis ditentokake , karo ngundang sedulur, tetangga, lan sanak sedulur kanggo rawuh. 

Persiapan kenduren dipersiapke adoh-adoh dina, saka persiapan panganan nganti panggonane acara. Salah siji ciri khas kenduren iku keberagaman panganan kang dicepakke. Saka panganan khas jawa kaya sega liwet, sambel goreng, ingkung , tempe, gudangan, kolak gedang, ketan, lan saliyane iku, ana uga panganan kas tradhisional kang mung dicawisake jroning adicara kenduren, kaya jenang, bubur abang putih, lan kue-kue tradhisional liyane kaya apem. Swasana kenduren dikebaki karo donga, guyu, lan cerita cerita. Momen iki dadi wayah kang pener kanggo memererat tali silaturahmi antar sapadha-padha, ijolan pengalaman, sarta ngaturi pesan-pesan kabecikan saka para sesepuh marang generasi enom. 

Kenduren ora mung sekedar acara mangan bareng, nanging uga simbol saka kasugihan budaya jawa sing perlu dilestarikake. Lewat kenduren, awake dhewe oleh ngajeni nilai nilai kebersamaan, gotong royong, lan paseduluran kang wis dadi perangan ora kapisahake saka kauripan masarakat jawa. Mangga pada nguri nguri lan terus jaga keberlangsungan tradhisi jawa iki ben tetep dadi warisan berharga nggo generasi mengko.

Komentar

Posting Komentar

Postingan populer dari blog ini

Kaldu Kokot Sumenep : Harta Karun saka Wetan Madura

Gambar
Dening Rani Aulia Pramodhawardani (27 / XI-8) Kaldu kokot iku salah siji panganan khas Sumenep, Madura, Jawa Timur. Saka jenenge, isoh disimpulke menawa panganan ini kalebu panganan sing ekstrem utawa hardcore. Miturut situs resmi Kemdikbud, kaldu kokot iku kalebu panganan abot sing digawe saka kikil utawa bagian telapak sikil sapi, banjur isi kacang ijo, jeroan utawa tetelan sapi koyo iso, babat, paru, lan uga lontong. Perpaduan rasa gurih asin saka kacang ijo lan kikil uga tetelan ing kaldu kokot, soyo gawe selera mangan soyo gedhe. Kaldu kokot iku bagian saka warisan budaya lan tradisi khas Sumenep. Kurang luwih, kaldu kokot iki wis ana nalika zaman mbiyen, sekitar puluhan utawa atusan tahun kepungkur. Nanging, tekan saiki kaldu kokot isih tetep kondhang lan akeh didol ing pinggiran dalan Sumenep. Salah siji panggonan sing isih dodolan kaldu kokot yaiku warung Bu Sunarsih. Ing warung iku, sak porsi kaldu kokot regane Rp 50.000,00. Amarga porsine gedhe, sak porsi bisa kanggo wong 2-3...
Baca selengkapnya

SENI REOG CAMPUR BAWUR

Gambar
Dening Rasto Prabowo Sujatmiko (28 / XI-8) Kesenian seni Reog Campur Bawur ing Desa Kaligentong Panaliten menika gadhah ancas kangge mangertosi pangrembakanipun kesenian Reog Campur Bawur ing Desa Kaligentong wiwit taun 2010-2021 saha pangaribawanipun tumrap kahanan masarakat ing Desa Kaligentong Metode kang digunakake sajrone panliten iki yaiku metode historis. Tata cara historis kaperang dadi 4, yaiku heuristik utawa koleksi sumber, verifikasi sumber utawa kritik kang dumadi saka kritik internal lan kritik eksternal, interpretasi utawa interpretasi, lan historiografi utawa panulisan sejarah. Asiling panaliten menika awujud pengembangan Kesenian Reog Campur Bawur ing Desa Kaligentong Kecamatan Gladagsari Kabupaten Boyolali taun 2010-2021 Kesenian iki diciptakake amarga adhedhasar tradhisi khas Desa Kaligentong yaiku kenduri udan dawet. Ing taun 2007 kesenian kasebut diowahi saka tari dadi Kesenian Reog kanggo ngurmati para leluhur Desa Kaligentong. Ing taun 2010, kesenian iki ngalami ...
Baca selengkapnya